U-Bahn Karlis Eingebungen

( 0 Bewertungen )

Mocht, Gier,
Hoss und Neid,
zu oft verbundn
mit dem Göd,
lossn aun sich,
die Menschn steam
und die Natur zerstean,
die Natur der Wöt.

Drum lossts uns doch sogn,
fix noch amoi,
waunn wird
des aufhean,
waunn wean wir endlich,
mit Herz und Geist,
bewusst und gewoit,
vernünftig wean.

Mocht, Gier,
Hoss und Neid,
verbundn mit dem Göd,
bringen zu sehr, den Verdruss,
des Elend, die Not und des Leid
und oi die Kriege,
stott innig, mit dem Herzn,
den begehrtn Kuss – der Liebe.

Gedicht 1705 © Karl Lessiak
U-Bahn Karli aus Wien Floridsdorf