U-Bahn Karlis Eingebungen

( 0 Bewertungen )

A jeder Deckl,
findt sein Topf,
die Aussog hot’s
schon immer gebn.

Topf oder Deckl,
jo die Frog,
gibt’s a bei uns
im Oitogslebn,

denn vüle frogn sich
die Frog so sehr,
so sogn sie ihrn Liebling,
in mir, do gibt’s die Frog,
von Tog zu Tog,

bin i a Deckl,
oder a Topf,
oder umgekehrt,
Liebling, und wos bist Du,
a des, des is mei Frog.

Gedicht 1389 © Karl Lessiak
U-Bahn Karli aus Wien Floridsdorf